Onore de Balzak

Bir parisli xanımın nəzər-diqqətini cəlb etmək üçün doğrudanmı qızğın atlara, lakey paltarlarına, bol qızıla malik olmalısan?”

Zinət iblisi onun qəlbini yaralamışdı, o, qazanc qızdırması içində çırpınır, qızıl ehtirasından boğazı quruyurdu.

Ejen qrafinya de Restonun mavi buduarı ilə madam de Boseanın açıq-qırmızı salonu arasında olduğu müddətdə Paris hüquq elmini üçillik kursunu keçə bilmişdi. Bu kursdan bəhs edilməsi də, hər halda bu yüksək cəmiyyətdəki hüquq elminin məğzini təşkil edir, yaxşı mənimsənildikdə və məharətlə həyata tətbiq edildikdə isə bunun sayəsində hər şeyə müvəffəq olmaq mümkündü.

Əgər siz müvəffəqiyyət qazanmaq istəyirsinizsə, hər şeydən əvvəl, sadə və səmimi olmayın.

birisi tamamilə şüurlu iztirab verdiyi zaman, siz yenə də onunla görüşürsünüz, hətta ondan qorxursunuz, lakin özü belə bilmədən zərər vuran adama sarsaq, heç kəsə mənfəət verə bilməyəcək bir adam kimi baxırsınız, hətta ona nifrət edirsiniz.

Biz qadınlar heç kəsə lazım olmayan şeylər dalınca qaçmırıq.

Bəli, bəli, öz atalarını, lap doğma atalarını, ümumiyyətlə, deyildiyinə görə, çox yaxşı bir atanı rədd etmişlər. O, hər birinə beş-altı yüz min nişan pulu vermiş, özünə isə ildə səkkiz min, on min livr mədaxil saxlamışdır. O, elə zənn edirmiş ki, qızları doğrudan da qızlıq borcunu unutmayacaqlar, o, qızlarının evində özü üçün iki həyat, iki ev yaradacaq, hər zaman məhəbbətlə və nəvazişlə qarşılanacaqdır. Bunun əvəzində isə kürəkənləri iki ildən sonra onu ən alçaq bir adam kimi cəmiyyətdən qovdular.

əzizim, siz kürəkən nə olduğunu fikirləşmisinizmi? Kürəkən elə bir kişiyə deyirlər ki, biz on yeddi il müddətində ailənin ümidi, Lamartinin sözü ilə desək, ailənin ləkəsiz qəlbini, gələcəkdə isə vəba xəstəliyinə çevrilən və min bir bağla bizə bağlı olan əziz bir xilqəti onun üçün bəsləyirdik. Kişi isə bu xilqəti bizdən ayırdığı zaman, hər şeydən əvvəl, onun məhəbbətindən bir balta kimi istifadə edir, bu mələyin qəlbində, canlı ürəyində ailəsi ilə onu bağlayan bütün hissləri kəsib doğrayır. Qızımız hələ dünən bizim üçün hər şey idi, biz də onun üçün hər şey idik. Səhər isə o bizə düşmən kəsilir. Məgər hər gün biz bu cür faciələri öz gözlərimizlə görmürükmü? Gah gəlin qayınataya həqarətlə baxır, halbuki qayınata hər şeyini oğluna qurban vermişdir. Bəzən də, görürsən, kürəkən öz qayınanasını evdən qovmuşdur. Mən belə suallara rast gəlmişəm: müasir cəmiyyətimizdə ən faciəli şey nədir? Kürəkən faciə deməkdir, həm də dəhşətli bir faciə. İzdivaclarımıza gəlincə, başdan-başa rəzalətdir.

həqiqi hisslərin öz ağlı, öz gözləri var,

Qəlblərimiz xəzinədir: onu birdən-birə xərcləsəniz, dilənçi qalarsınız.